उजळित जग मंगलमय
उजळित जग मंगलमय अरुणबिंब आलें
सोनेरी किरणांनीं भू-मंडळ न्हालें
नलिनी-दल-आलिंगन
त्यजुनि भृंग करि गुंजन
कुंज कुंज मोहरले वन-विहंग बोले
रविराया पूजाया
काय फुलें होऊनियां
गगनीचे तारा-गण धरणीवर आले?
सोनेरी किरणांनीं भू-मंडळ न्हालें
नलिनी-दल-आलिंगन
त्यजुनि भृंग करि गुंजन
कुंज कुंज मोहरले वन-विहंग बोले
रविराया पूजाया
काय फुलें होऊनियां
गगनीचे तारा-गण धरणीवर आले?
| गीत | - | विद्याधर गोखले |
| संगीत | - | छोटा गंधर्व |
| स्वर | - | कान्होपात्रा किणीकर |
| नाटक | - | सुवर्णतुला |
| गीत प्रकार | - | नाट्यसंगीत |
| अरुण | - | तांबुस / पिंगट / पहाट, पहाटेचा तांबुस प्रकाश / सूर्यसारथी / सूर्य. |
| कुंज | - | वेलींचा मांडव. |
| नलिनी | - | कमळ. |
| विहंग | - | विहग, पक्षी. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !