त्या चित्तचोरट्याला का आपुले
त्या चित्तचोरट्याला का आपुलें म्हणूं मी?
स्मृतिजाल आसवांचे दिनरात कां विणूं मी
सहजीं करीं धरावे, नख लाउनी खुडावें
कीं फूल मालतीचें बागेतलें जणूं मी
नजरेंत नीट आलें, मी घेतले निशाण
हलतांच पापणीचा हुकला अमोघ बाण
ते मीनकेतनाचें ग मोडिलें धनू मी
आलें मनांत माझ्या किति साळसूद बाई
मी पाहिलें तरीही, ते पाहणार नाहीं
राजीवलोचनाला ग वाहिली तनू मी
स्मृतिजाल आसवांचे दिनरात कां विणूं मी
सहजीं करीं धरावे, नख लाउनी खुडावें
कीं फूल मालतीचें बागेतलें जणूं मी
नजरेंत नीट आलें, मी घेतले निशाण
हलतांच पापणीचा हुकला अमोघ बाण
ते मीनकेतनाचें ग मोडिलें धनू मी
आलें मनांत माझ्या किति साळसूद बाई
मी पाहिलें तरीही, ते पाहणार नाहीं
राजीवलोचनाला ग वाहिली तनू मी
| गीत | - | राजा बढे |
| संगीत | - | मधुकर गोळवलकर |
| स्वर | - | माणिक वर्मा |
| राग | - | मिश्र खमाज |
| गीत प्रकार | - | भावगीत |
टीप - • काव्य रचना- १९५३. |
| मीनकेतन | - | मदन, कामदेव. |
| राजीव | - | कमळ / प्रिय. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !