नामभक्तीचे श्रेष्ठत्व सांगणारा हा अभंग आहे. परमेश्वराचे नामस्मरण करता करता चमत्कार झाला. परमेश्वरच प्रकट झाला. आणि हा क्षण कसा, तर सारी सृष्टीच उजळून टाकणारा. चिरंजीव करणारा. आजचा दिवसाच मुळी सोन्याचा होऊन गेला. अमृताने न्हाऊन निघाला.

सगळ्या सृष्टीचेच जीवन असणार्‍या परमेश्वराचा आपणास क्षणभरही विसर पडू नये. सतत त्याच्या ध्यानात मग्‍न असले पाहिजे. आणि म्हणूनच आपणास दुसरे काहीही सुचत नाही. तनमनाने आपण परमेश्वरास शरण गेलो आहोत.

नामभक्तीतून परमेश्वराशी एकात्म होण्याची भावावस्था येथे ज्ञानदेवांनी प्रकट केली आहे.

डॉ. नागनाथ कोत्तापल्ले, डॉ. द. ता. भोसले
ज्ञानेश्वरांचे निवडक शंभर अभंग
सौजन्य- प्रतिमा प्रकाशन, पुणे.

* ही लेखकांची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.

  इतर भावार्थ

इतर सर्व आधार सोडून दिल्यामुळे, ईश्वराचें ध्यान लागण्याला आता काहीच अडचण उरली नाही. आजचा दिवस फार भाग्याचा आहे. आज नाम-स्मरणाबरोबर त्याचा अर्थही प्रगट झाला आहे. मुखाने नाम घ्यावयाचे, म्हणजे त्याबरोबर आपले शारीरिक जीवन आणि मानसिक चिंतन ईश्वराच्या च्गरणी वहावयाचे. मन, वाणी आणि शरीर, तिन्ही अंगे ईश्वरी प्रेमाने भरून काढावयची. आज माझी तशी भावना झाली आहे. म्हणून आता तुझेच ध्यान लागो, असे मी त्याला वृद्ध निश्चयाने म्हणत आहे.

आचार्य विनोबा भावे
ज्ञानेश्वरांची भजनें
सौजन्य- परंधाम प्रकाशन, वर्धा.

* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.

  इतर भावार्थ

Please consider the environment before printing.
कागद वाचवा.
कृपया पर्यावरणाचा विचार करा.