रवि आला हो रवि आला
आभाळाच्या देवघरी हा उष:काल झाला
रवि आला हो रवि आला
झाडेपाने फुलवेली हो
थेंब दंवाचे ल्याली हो
प्रभातकाळी निसर्गराजा उजेडात न्हाला
कवाड-अंगण उजळावे
फुलासवे मन उमलावे
हसली सदने हसली वदने, तम विरुनी गेला
करू आरती तेजाची
तेजाची रविराजाची
मंगल ऐका मंगल देखा, मंगलमय बोला
रवि आला हो रवि आला
झाडेपाने फुलवेली हो
थेंब दंवाचे ल्याली हो
प्रभातकाळी निसर्गराजा उजेडात न्हाला
कवाड-अंगण उजळावे
फुलासवे मन उमलावे
हसली सदने हसली वदने, तम विरुनी गेला
करू आरती तेजाची
तेजाची रविराजाची
मंगल ऐका मंगल देखा, मंगलमय बोला
| गीत | - | जगदीश खेबूडकर |
| संगीत | - | प्रभाकर जोग |
| स्वर | - | सुधीर फडके |
| चित्रपट | - | देवघर (१९८१) |
| गीत प्रकार | - | चित्रगीत |
| कवाड | - | दरवाजाची फळी, दरवाजा. |
| तम | - | अंधकार. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !