A Non-Profit Non-Commercial Public Service Initiative by Alka Vibhas   
पडला पदर खांदा तुझा

पडला पदर खांदा तुझा दिसतो ग
कमरेला कमरपट्टा कसतो ग बाई कसतो

काळ्या कुरळ्या वेणीत मरवा
जरतारी शालू हिरवा
गोर्‍या दंडात बाजूबंद खुलतो

सफरचंदाची गाली गुलाली
फुटलं डाळींब ओठांच्याखाली
राघू नाकाचा नुसताच रुसतो

तुझ्या तरुणपणाला ग धार
मार भिवईंची काळी कट्यार
घाव वर्मावरी असा बसतो
गीत - कवी संजीव
संगीत - वसंतकुमार मोहिते
स्वर- आशा भोसले
चित्रपट - भाऊबीज
गीत प्रकार - चित्रगीत, लावणी
मरवा - सुगंधी पाने असलेली एक वनस्पती.
वर्म - दोष, उणेपणा / खूण.

Please consider the environment before printing.
कागद वाचवा.
कृपया पर्यावरणाचा विचार करा.