ऊर्मिला मी, निरोप तुज देता
जाउ नको तू वनी या क्षणी, सांगु कसे नाथा?

पितृवचनी रामामागुनि
चरण चालती निश्चय करुनी
बंधुप्रेम हे गहिवरुनीया मीच स्वये पाहता
निरोप तुज देता

रघुवंशातिल ज्या पुरुषाला
देव म्हणोनि मी पूजियला
वीर धनुर्धर त्या वीराची असता पतिव्रता
निरोप तुज देता

मुग्ध मनाची वेडी माया
दु:ख झेलुनी झिजते काया
त्या झिजण्यांतच शतजन्मीचे भाग्य मला लाभता
निरोप तुज देता