मी मोठ्ठा होणार किनई मी खूप खूप शिकणार
भारत माझी आई, आईचे सार्थक मी करणार !

घरात आई धडा शिकवते, शिवरायाची गोष्ट सांगते
शिवरायाच्या जशी चालवीन शत्रुवर तलवार

शाळेच्या वर्गाचे गुरुजी, त्यांची माझ्यावरती मर्जी
शिकवितात ते अक्षर-संख्या, एक-दोन-तीन-चार

मित्रांसंगे गिरवीन ग-म आणि आईचे करीन काम
आई-बाबा त्यांना माझा तीनदा नमस्कार

खूप शिकून मी मोठ्ठा होईन, डॉक्टर होउनी औषध देईन
सैनिक आणि गरिबांसाठी धावून मी जाणार