लक्ष्मणा तिचींच ही पाउलें
हीं तिच्या वेणिंतिल फुलें
लक्ष्मणा, तिचींच ही पाउलें
एक पदांचा ठसा राक्षसी
छेदित गेला पदचिन्हांसी
वादळें तुटली पद्मदलें
खचित लक्ष्मणा, खचित या स्थलीं
रात्रिंचर कुणि छळी मैथिली
जिंकिले सत्वा का अंगबलें?
दूर छिन्न हें धनू कुणाचें?
जडाव त्यावर रत्नमण्यांचे
कुणाला कोणी झुंजविलें?
वैदुर्यांकित कवच कुणाचें?
धुळिंत मिळले मणी तयाचे
राक्षसा कोणीं आडविलें?
पहा छत्र तें धूलीधूसर
मोडुन दांडा पडलें भूवर
कुणीं या सूतां लोळविलें?
प्रेत होउनी पडे सारथी
लगाम तुटके तसेच हातीं
तोंड तें रुधिरें भेसुरलें
पहा रथाचें धूड मोडके
कणा मोडला, तुटलीं चाके
बाणही भंवती विस्कटले
थंड दृष्टिनें न्याहळीत नभ
मरून थिजले ते बघ रासभ
कुणाचें वाहन हें असलें?
अनुमानाही पडे सांकडें
कोणी नेली प्रिया? कुणिकडे?
तिच्यास्तव दोघे कां लढले?
हृता, जिता वा मृता, भक्षिता
कैसी कोठे माझी सीता?
गूढ तें नाहीं आकळलें
असेल तेथुन असेल त्यांनी
परतुन द्यावी रामस्वामिनी
क्षात्रबल माथीं प्रस्फुरलें
स्वर्गिय वा तो असो अमानुष
त्यास जाळण्या उसळे पौरुष
कांपविन तीन्ही लोक बलें
लक्ष्मणा, तिचींच ही पाउलें
एक पदांचा ठसा राक्षसी
छेदित गेला पदचिन्हांसी
वादळें तुटली पद्मदलें
खचित लक्ष्मणा, खचित या स्थलीं
रात्रिंचर कुणि छळी मैथिली
जिंकिले सत्वा का अंगबलें?
दूर छिन्न हें धनू कुणाचें?
जडाव त्यावर रत्नमण्यांचे
कुणाला कोणी झुंजविलें?
वैदुर्यांकित कवच कुणाचें?
धुळिंत मिळले मणी तयाचे
राक्षसा कोणीं आडविलें?
पहा छत्र तें धूलीधूसर
मोडुन दांडा पडलें भूवर
कुणीं या सूतां लोळविलें?
प्रेत होउनी पडे सारथी
लगाम तुटके तसेच हातीं
तोंड तें रुधिरें भेसुरलें
पहा रथाचें धूड मोडके
कणा मोडला, तुटलीं चाके
बाणही भंवती विस्कटले
थंड दृष्टिनें न्याहळीत नभ
मरून थिजले ते बघ रासभ
कुणाचें वाहन हें असलें?
अनुमानाही पडे सांकडें
कोणी नेली प्रिया? कुणिकडे?
तिच्यास्तव दोघे कां लढले?
हृता, जिता वा मृता, भक्षिता
कैसी कोठे माझी सीता?
गूढ तें नाहीं आकळलें
असेल तेथुन असेल त्यांनी
परतुन द्यावी रामस्वामिनी
क्षात्रबल माथीं प्रस्फुरलें
स्वर्गिय वा तो असो अमानुष
त्यास जाळण्या उसळे पौरुष
कांपविन तीन्ही लोक बलें
| गीत | - | ग. दि. माडगूळकर |
| संगीत | - | सुधीर फडके |
| स्वराविष्कार | - | ∙ सुधीर फडके ∙ आकाशवाणी प्रथम प्रसारण ( गायकांची नावे कुठल्याही विशिष्ट क्रमाने दिलेली नाहीत. ) |
| राग | - | भैरवी |
| गीत प्रकार | - | गीतरामायण, राम निरंजन |
टीप - • गीतरामायण. | ||
| • प्रथम प्रसारण दिनांक- ४/११/१९५५ | ||
| • आकाशवाणीवरील प्रथम प्रसारण स्वर- सुधीर फडके. |
| आकळणे | - | आकलन होणे, समजणे. |
| पद्म | - | कमळ. |
| मैथिली | - | सीता (मिथिला नगरीची राजकन्या). |
| रुधिर | - | रक्त. |
| रात्रिंचर | - | राक्षस / चोर. |
| रासभ | - | गाढव. |
| वैदूर्य | - | एक प्रकारचे रत्न. |
| सूत | - | चालक, सारथी. |
| साकडे | - | संकट / कोडे. |
| हृता | - | पळवून नेलेली, हरण केलेली. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !