मज निरंतर जागविती ॥१॥
काय द्यावें यांसी व्हावें उतराई ।
ठेवितां हा पायीं जीव थोडा ॥२॥
सहज बोलणें हित उपदेश ।
करूनि सायास शिकविती ॥३॥
तुका ह्मणे वत्स धेनुवेचे चित्तीं ।
तैसें मज येथ सांभाळिती ॥४॥
| गीत | - | संत तुकाराम |
| संगीत | - | प्रभाकर पंडित |
| स्वराविष्कार | - | ∙ सुरेश वाडकर ∙ बबनराव नावडीकर ( गायकांची नावे कुठल्याही विशिष्ट क्रमाने दिलेली नाहीत. ) |
| गीत प्रकार | - | संतवाणी |
टीप - • स्वर- सुरेश वाडकर, संगीत- प्रभाकर पंडित. • स्वर- बबनराव नावडीकर, संगीत- बबनराव नावडीकर, राग- बागेश्री. |
| उतराई | - | ऋणमुक्त. |
| धेनु | - | गाय. |
| वत्स | - | मूल. |
| सायास | - | विषेष आयास (कष्ट), श्रम. |
- या संताचे मी किती उपकार मानू? नेहमी उपदेश करून सावध करतात.
- देवा या संतांचा मी कसा उतराई होऊ? यांच्या पायावरून जीव ओवाळून टाकला तरी थोडेच ठरेल !
- संतांचे सहज बोलणे म्हणजे अम्हां सामान्य लोकांना हिताचा उपदेशच आहे.
- तुकाराम महाराज म्हणतात, गाईच्या मनात जसे नेहमी वासरू असते त्याचप्रमाणे हे साधुसंत मला मनात आठवून सांभाळत असतात.
गो. वि. नामजोशी
संत तुकारामाची सार्थ अभंगवाणी
सौजन्य- सुलभ प्रकाशन, मुंबई.
* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.
इतर भावार्थमहाराज म्हणतात, "या संतांचे उपकार किती वर्णन करू? ते मला नित्य स्वधर्माविषयी जागरूक करतात. त्यांचे उपकार फेडण्यासाठी माझ्यापाशी काही नाही. जीव जरी त्यांना अर्पण केला तरी त्याची किंमत कमीच पडते. ज्यांच्या सहज बोलण्यातसुद्धा हितोपदेशच असतो. ते मला शिकविताना कितीतरी श्रम घेतात. अहो गायीच्या चित्तामध्ये वासराविषयी जसे ममत्व असते तसे ममत्व संतांच्या मनात माझ्याबद्दल असून ते माझा नित्य सांभाळ करतात."
डॉ. प्रा. जे. बी. शिंदे
देवमुक्त, धर्ममुक्त तुकारामांची गाथा
सौजन्य- स्वरूप प्रकाशन, पुणे-कोल्हापूर.
* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !