काल रात सारी मजसी
काल रात सारी मजसी झोप नाही आली
जीव झाला थोडा थोडा ऊर वरखाली !
पती दूरदेशी माझे
रूप माझे मजसी ओझे
मध्यान्हीच्या पारी दारी एक थाप आली !
कशी आत घेऊ चोरा?
कशी उघडू मी दारा?
पांचमाळ्यावरती माझी कोपर्यात खोली !
कोण आसुसला पापा
पुन्हा पुन्हा मारी थापा
कलंडले मंचकी मी, मूर्च्छनाच आली !
काच कवाडाची होती
पतंगास कळली ना ती
भरारून तोचि होता येत हो महाली !
काचेवरी त्याची झेप
तीच मला वाटे थाप
अशी तुझी मैत्रिण बाई पांखरास भ्याली !
जीव झाला थोडा थोडा ऊर वरखाली !
पती दूरदेशी माझे
रूप माझे मजसी ओझे
मध्यान्हीच्या पारी दारी एक थाप आली !
कशी आत घेऊ चोरा?
कशी उघडू मी दारा?
पांचमाळ्यावरती माझी कोपर्यात खोली !
कोण आसुसला पापा
पुन्हा पुन्हा मारी थापा
कलंडले मंचकी मी, मूर्च्छनाच आली !
काच कवाडाची होती
पतंगास कळली ना ती
भरारून तोचि होता येत हो महाली !
काचेवरी त्याची झेप
तीच मला वाटे थाप
अशी तुझी मैत्रिण बाई पांखरास भ्याली !
| गीत | - | ग. दि. माडगूळकर |
| संगीत | - | वसंत पवार |
| स्वर | - | मधुबाला जव्हेरी |
| चित्रपट | - | सांगत्ये ऐका |
| गीत प्रकार | - | चित्रगीत, लावणी |
| कवाड | - | दरवाजाची फळी, दरवाजा. |
| पतंग | - | दिव्यावर झडप घालणारा पाखरू. |
| मूर्च्छना | - | मूर्च्छा / घेरी / चक्कर. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !