इथे मिळाली सागर-सरिता
इथे मिळाली सागर-सरिता, ही प्रीतीची एकरूपता
इथे मिळाली !
कमलफुलांचे सुगंध सिंचन की भ्रमराला गोड निमंत्रण
मिटे पाकळी मीलन घडता, ही प्रीतीची एकरूपता
इथे मिळाली !
या धरणीची हाक ऐकिली, निळे गगन हे झुकले खाली
क्षितिजावरही प्रेम सांगता, ही प्रीतीची एकरूपता
इथे मिळाली !
बांधु अपुले घरकुल चिमणे, तुझियासाठी माझे जगणे
मरणा येईल चिरंजीविता, ही प्रीतीची एकरूपता
इथे मिळाली !
इथे मिळाली !
कमलफुलांचे सुगंध सिंचन की भ्रमराला गोड निमंत्रण
मिटे पाकळी मीलन घडता, ही प्रीतीची एकरूपता
इथे मिळाली !
या धरणीची हाक ऐकिली, निळे गगन हे झुकले खाली
क्षितिजावरही प्रेम सांगता, ही प्रीतीची एकरूपता
इथे मिळाली !
बांधु अपुले घरकुल चिमणे, तुझियासाठी माझे जगणे
मरणा येईल चिरंजीविता, ही प्रीतीची एकरूपता
इथे मिळाली !
| गीत | - | जगदीश खेबूडकर |
| संगीत | - | हेमंत केदार |
| स्वर | - | कृष्णा कल्ले, महेंद्र कपूर |
| चित्रपट | - | तोचि साधू ओळखावा |
| गीत प्रकार | - | चित्रगीत, युगुलगीत |
| सांगता | - | पूर्णता. |
| सिंचन | - | शिंपणे. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !