हेच ते हेच ते हेच ते
हेच ते चरण अनंताचे
ध्यान विषय हे ऋषीमुनींचे संतमहंतांचे

सोनसळ्यांचा हा पीताम्बर
वसन मनोहर पीत कटीवर
उदरभाग हा सुनील सुंदर
आजानु हे असेच दर्शन सपद्महातांचे

सुदीर्घ बाहू विशाल छाती
वैजयंती वर सदैव रुळती
शंख कंठ वर हनु निमुळती
सुहास्य वदना म्हणू काय मी सदन अमृताचे

हीच नासिका हेच सुलोचन
चंद्रसूर्य ज्या नमिती लाजून
हा विष्णू त्रिभुवन जीवन
रूपच आले साकारून मम मनोवांच्छितांचे