कोणी हळूच यावे माझ्या मनी फुलावे
आणि ओंजळीत घ्यावे..
गंध हलके हलके हलके.. गंध हलके..

स्वप्‍न ल्यायल्या नयनी चांद डोकावून जाई
तुझे चांदणे फुलावे धुंद हलके हलके
तुझ्या स्पर्शांनी फुलावे, सप्तसूर आर्त व्हावे
तार झंकारुनी यावे गीत हलके हलके..

माझ्या ओठीचे तराणे तुझ्या ओठांनी टिपावे
तप्त श्वास मंद व्हावे माझे हलके हलके
माझ्या हाती रंग यावे धुंद जाहल्या मेंदीचे
आणि गंध तूही ल्यावे आज हलके हलके..