गणराज रंगि नाचतो
गणराज रंगि नाचतो नाचतो
पायि घागर्या करिती रुणझुण
नाद स्वर्गि पोचतो !
कटि पीताम्बर कसुन भर्जरी
बाल गजानन नर्तनास करी
तुंदिल तनु तरि चपल साजिरी
लावण्ये साजतो !
नारद तुंबरु करिती गायन
करी शारदा वीणावादन
ब्रह्मा धरितो तालहि रंगुन
मृदंग धिमि वाजतो !
देवसभा घनदाट बैसली
नृत्यगायने मने हर्षली
गौरीसंगे स्वये सदाशिव
शिशुकौतुक पाहतो !
पायि घागर्या करिती रुणझुण
नाद स्वर्गि पोचतो !
कटि पीताम्बर कसुन भर्जरी
बाल गजानन नर्तनास करी
तुंदिल तनु तरि चपल साजिरी
लावण्ये साजतो !
नारद तुंबरु करिती गायन
करी शारदा वीणावादन
ब्रह्मा धरितो तालहि रंगुन
मृदंग धिमि वाजतो !
देवसभा घनदाट बैसली
नृत्यगायने मने हर्षली
गौरीसंगे स्वये सदाशिव
शिशुकौतुक पाहतो !
| गीत | - | शान्ता शेळके |
| संगीत | - | पं. हृदयनाथ मंगेशकर |
| स्वर | - | लता मंगेशकर |
| गीत प्रकार | - | प्रथम तुला वंदितो, भक्तीगीत |
| कटि | - | कंबर. |
| घागरी | - | पैंजण. |
| तुंदिल | - | लठ्ठ. |
| तुंबरु | - | गंधर्व. |
| स्वये | - | स्वत: |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !