गणपती तू गुणपती तू
गणपती तू गुणपती तू नमन चरणी ईश्वरा
मी अडाणी भगत म्हणुनी दया करी या लेकरा
बोले तुणतुणं बोले हलगी
कडकड वाजे कडी ढोलकी
शाहीर कवनी जाई रमुनी, भरती जणू सूरसागरा
बहुजन मेळा थकला दमला
रसिक होउनी म्होरं जमला
कलाकृतीचा बागबगीचा, तरूतळी घेती आसरा
तू तर ठेवा सकल कलांचा
सुगंध तू तर शब्दफुलांचा
निराकार तू कलाकार मी, चुकभूल माझी सावरा
मी अडाणी भगत म्हणुनी दया करी या लेकरा
बोले तुणतुणं बोले हलगी
कडकड वाजे कडी ढोलकी
शाहीर कवनी जाई रमुनी, भरती जणू सूरसागरा
बहुजन मेळा थकला दमला
रसिक होउनी म्होरं जमला
कलाकृतीचा बागबगीचा, तरूतळी घेती आसरा
तू तर ठेवा सकल कलांचा
सुगंध तू तर शब्दफुलांचा
निराकार तू कलाकार मी, चुकभूल माझी सावरा
| गीत | - | जगदीश खेबूडकर |
| संगीत | - | यशवंत देव |
| स्वर | - | पं. वसंतराव देशपांडे |
| चित्रपट | - | मंत्र्यांची सून |
| गीत प्रकार | - | चित्रगीत, प्रथम तुला वंदितो |
| कवन | - | काव्य. |
| तुणतुणं | - | एक प्रकारचे तंतुवाद्य. |
| हलगी | - | खंजिरी. एक प्रकारचे वाद्य. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !