धागा धागा अखंड विणूया
धागा धागा अखंड विणूया
विठ्ठल विठ्ठल मुखे म्हणूया
अक्षांशाचे रेखांशाचे
उभे आडवे गुंफून धागे
विविध रंगी वसुंधरेचे
वस्त्र विणिले पांडुरंगे
विश्वंभर तो विणकर पहिला
कार्यारंभी नित्य स्मरूया
करचरणांच्या मागावरती
मनामनांचे तंतू टाका
फेकुन शेला अंगावरती
अर्धीउघडी लाज राखा
बंधुत्वाचा फिरवित चरखा
एकत्वाचे सूत्र धरूया
विठ्ठल विठ्ठल मुखे म्हणूया
अक्षांशाचे रेखांशाचे
उभे आडवे गुंफून धागे
विविध रंगी वसुंधरेचे
वस्त्र विणिले पांडुरंगे
विश्वंभर तो विणकर पहिला
कार्यारंभी नित्य स्मरूया
करचरणांच्या मागावरती
मनामनांचे तंतू टाका
फेकुन शेला अंगावरती
अर्धीउघडी लाज राखा
बंधुत्वाचा फिरवित चरखा
एकत्वाचे सूत्र धरूया
| गीत | - | पी. सावळाराम |
| संगीत | - | वसंत प्रभु |
| स्वर | - | आशा भोसले |
| राग | - | बिभास |
| गीत प्रकार | - | विठ्ठल विठ्ठल, भक्तीगीत |
| अक्षांश | - | Latitude. |
| माग | - | वस्त्र विणण्याचे यंत्र. |
| रेखांश | - | Longitude. |
| विश्वंभर | - | विश्वाचे पालन-पोषण करणारा ईश्वर. |
| सूत्र | - | तत्त्व / अनुबंध. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !