चला सख्यांनो हलक्या हाते
चला सख्यांनो, हलक्या हाते नखानखांवर रंग भरा
ग, नखांनखांवर रंग भरा !
आज सावलीपरी जायचे त्यांच्यामागे पाऊल ग
पायी पैंजण बांधा द्याया आगमनाची चाहूल ग
सिंहकटीवर स्वैर खेळु द्या रत्नमेखला सैल जरा !
बाहूंवरती बांधा बाई बाहुभूषणे नागाची
अंचली झाका हृदयावरची कमळे ही अनुरागाची
गळ्यात घाला हार साजिरा, पदकी त्याच्या दिव्य हिरा !
वेणी गुंफा मदनबाण वर भवती हिरवा मरवा ग
आकाशातील नक्षत्रांसम माथी मोती जडवा ग
सौभाग्याच्या नगरा नेते सौंदर्याचा थाट पुरा !
ग, नखांनखांवर रंग भरा !
आज सावलीपरी जायचे त्यांच्यामागे पाऊल ग
पायी पैंजण बांधा द्याया आगमनाची चाहूल ग
सिंहकटीवर स्वैर खेळु द्या रत्नमेखला सैल जरा !
बाहूंवरती बांधा बाई बाहुभूषणे नागाची
अंचली झाका हृदयावरची कमळे ही अनुरागाची
गळ्यात घाला हार साजिरा, पदकी त्याच्या दिव्य हिरा !
वेणी गुंफा मदनबाण वर भवती हिरवा मरवा ग
आकाशातील नक्षत्रांसम माथी मोती जडवा ग
सौभाग्याच्या नगरा नेते सौंदर्याचा थाट पुरा !
| गीत | - | ग. दि. माडगूळकर |
| संगीत | - | सुधीर फडके |
| स्वर | - | ललिता फडके |
| चित्रपट | - | मायाबाजार (ऊर्फ वत्सलाहरण) |
| गीत प्रकार | - | चित्रगीत |
| अंचल | - | पदर, ओचा. |
| अनुराग | - | प्रेम, निष्ठा. |
| कटि | - | कंबर. |
| मेखला | - | कमरपट्टा. |
| मदनबाण | - | एक प्रकारचे पांढरे, सुवासिक फूल. |
| मरवा | - | सुगंधी पाने असलेली एक वनस्पती. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !