A Non-Profit Non-Commercial Public Service Initiative by Alka Vibhas   
आला वसंत ऋतु आला

आला वसंत ऋतु आला
वसुंधरेला हसवायाला, सजवीत नटवित लावण्याला
आला, आला वसंत ऋतु आला

रसरंगांची करीत उधळण
मधुगंधाची करीत शिंपण
चैतन्याच्या गुंफित माला रसिकराज पातला

वृक्षलतांचे देह बहरले
फुलाफुलांतून अमृत भरले
वनावनांतून गाऊ लागल्या पंचमात कोकिला

व्याकुळ विरही युवयुवतींना
मधुर काल हा प्रेममीलना
मदनसखा हा शिकवी रसिका शृंगाराची कला
गीत - शांताराम आठवले
संगीत - प्रभाकर जोग
स्वर- आशा भोसले
चित्रपट - सुभद्राहरण
गीत प्रकार - चित्रगीत

Please consider the environment before printing.
कागद वाचवा.
कृपया पर्यावरणाचा विचार करा.