आला पाऊस मातीच्या वासात
आला पाऊस मातीच्या वासात ग
मोती गुंफीत मोकळ्या केसात ग !
आभाळात आले काळेकाळे ढग
धारा कोसळल्या निवे तगमग
धुंद दरवळ धरणीच्या श्वासात ग !
कोसळल्या कशा सरीवर सरी
थेंब थेंब करी नाच पाण्यावरी
लाल ओहळ वाहती जोसात ग !
लिंबोळ्यांची रास कडूलिंबाखाली
वारा दंगा करी, जुई शहारली
चाफा झुरतो फुलांच्या भासात ग !
झाडावरी मुके पाखरांचे थवे
वीज लालनिळी कशी नाचे लवे
तेजाळते उभ्या अवकाशात ग !
वीज कडाडता भय दाटे उरी
एकली मी इथे, सखा राहे दुरी
मन व्याकुळ सजणाच्या ध्यासात ग !
मोती गुंफीत मोकळ्या केसात ग !
आभाळात आले काळेकाळे ढग
धारा कोसळल्या निवे तगमग
धुंद दरवळ धरणीच्या श्वासात ग !
कोसळल्या कशा सरीवर सरी
थेंब थेंब करी नाच पाण्यावरी
लाल ओहळ वाहती जोसात ग !
लिंबोळ्यांची रास कडूलिंबाखाली
वारा दंगा करी, जुई शहारली
चाफा झुरतो फुलांच्या भासात ग !
झाडावरी मुके पाखरांचे थवे
वीज लालनिळी कशी नाचे लवे
तेजाळते उभ्या अवकाशात ग !
वीज कडाडता भय दाटे उरी
एकली मी इथे, सखा राहे दुरी
मन व्याकुळ सजणाच्या ध्यासात ग !
| गीत | - | शान्ता शेळके |
| संगीत | - | श्रीनिवास खळे |
| स्वर | - | पुष्पा पागधरे |
| गीत प्रकार | - | ऋतू बरवा, भावगीत |
| निवणे | - | शांत होणे. |
| लवणे | - | वाकणे. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !