भर उन्हात जळते धरती, तिच्या काळजाला चटकं बसती
त्या ठिणग्या मातीतून फुलती, त्यांचा माणसाकडं ओढा

आगीनफुलं ही तोडा बायांनो, आगीनफुलं ही तोडा
लाल लाल मिरची तोडा बायांनो, लवंगी मिरची तोडा

ही किमया ग मायाळू धरतीची
ही जादूगिरी मातीच्या पिरतीची
दर वर्षाला बाग-फुलं नवतीची
तिखट मिरची हिकडं पिकली,
तिकडं उसाचा पेढा

आली वयात ग, तांबूस पिवळी झाली
कशी किरणानं उन्हात चमके लाली
वर पांघरल्या पानांच्या हिरव्या शाली
हलक्या हाती पिकली वेचा,
कवळी कवळी तोडा