येणारा दिवस मला हेटाळत
येणारा दिवस मला हेटाळत हसणारच !
जाणारा दिवस मला जाताना डसणारच !
वरवरच्या बोलण्यात गेली बघ सरुन रात..
मावळता चंद्र मला नाव तुझे पुसणारच !
देताना हृदय तुला केला मी हा विचार-
'घेणारा घेणारच ! देणारा फसणारच !'
हारूनही लाखवार माझी झाली न हार,
मी माझ्या स्वप्नांना फिरफिरून पिसणारच !
माझे घर वार्याचे अन् पायच पार्याचे
मी जगास रस्त्यावर गाताना दिसणारच !
काही भलतेच लोक तेव्हा करतील शोक
तेव्हाही मी त्यांच्या आसवांत नसणारच !
जाणारा दिवस मला जाताना डसणारच !
वरवरच्या बोलण्यात गेली बघ सरुन रात..
मावळता चंद्र मला नाव तुझे पुसणारच !
देताना हृदय तुला केला मी हा विचार-
'घेणारा घेणारच ! देणारा फसणारच !'
हारूनही लाखवार माझी झाली न हार,
मी माझ्या स्वप्नांना फिरफिरून पिसणारच !
माझे घर वार्याचे अन् पायच पार्याचे
मी जगास रस्त्यावर गाताना दिसणारच !
काही भलतेच लोक तेव्हा करतील शोक
तेव्हाही मी त्यांच्या आसवांत नसणारच !
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !