ये निद्रादेवी
ये निद्रादेवी
तुझे सावळे हात प्रियाच्या पाठीवर ठेवी
घाव घेउनी शोककथांचे
अंगावरी वण मुक्या व्यथांचे
वत्सलतेचे लेप मुलायम तूच हळू लावी
दु:खभागल्या या डोळ्यांवर
चंदनशीतल घालुन फुंकर
थकलेल्या या दिठीस उद्याची सुखस्वप्ने दावी
कृष्णे तुझिया मांडीवरती
लाभू देत या लव विश्रांती
साद सुगंधित तुझा, तूच या अंगाई गावी
तुझे सावळे हात प्रियाच्या पाठीवर ठेवी
घाव घेउनी शोककथांचे
अंगावरी वण मुक्या व्यथांचे
वत्सलतेचे लेप मुलायम तूच हळू लावी
दु:खभागल्या या डोळ्यांवर
चंदनशीतल घालुन फुंकर
थकलेल्या या दिठीस उद्याची सुखस्वप्ने दावी
कृष्णे तुझिया मांडीवरती
लाभू देत या लव विश्रांती
साद सुगंधित तुझा, तूच या अंगाई गावी
| गीत | - | ग. दि. माडगूळकर |
| संगीत | - | प्रभाकर जोग |
| स्वर | - | आशा भोसले |
| चित्रपट | - | जावई माझा भला |
| गीत प्रकार | - | चित्रगीत |
| दिठी | - | दृष्टी. |
| भागणे | - | थकणे, दमणे. |
| लव | - | सूक्ष्म. |
| वत्सल | - | प्रेमळ. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !