वळती वाट चढता घाट
वळती वाट, चढता घाट
तोल सावरा अंगाचा
वसंत आला वनात बाई उत्सव चाले रंगांचा !
बाई जपून जा गडे जपून जा
जपून जा बाई जपून जा !
हा चैत्र प्रीतिचा महिना
तरुतरूंत गाती मैना
खगाखगांचा सूर लागतो आज वेगळ्या ढंगाचा !
वनलतांत घुमती वाळे
त्या तिथेच मन्मथ खेळे
तळ्यात फुलल्या कमळांभवती संघ गुणगुणे भृंगांचा !
भिरभिरून वारा येतो
अन् पदरा उडवून देतो
वातावरणी थवा तरंगे सप्तरंगी त्या मेघांचा !
तोल सावरा अंगाचा
वसंत आला वनात बाई उत्सव चाले रंगांचा !
बाई जपून जा गडे जपून जा
जपून जा बाई जपून जा !
हा चैत्र प्रीतिचा महिना
तरुतरूंत गाती मैना
खगाखगांचा सूर लागतो आज वेगळ्या ढंगाचा !
वनलतांत घुमती वाळे
त्या तिथेच मन्मथ खेळे
तळ्यात फुलल्या कमळांभवती संघ गुणगुणे भृंगांचा !
भिरभिरून वारा येतो
अन् पदरा उडवून देतो
वातावरणी थवा तरंगे सप्तरंगी त्या मेघांचा !
| गीत | - | ग. दि. माडगूळकर |
| संगीत | - | सुधीर फडके |
| स्वर | - | आशा भोसले |
| चित्रपट | - | उमज पडेल तर |
| गीत प्रकार | - | चित्रगीत |
| खग | - | पक्षी. |
| मन्मथ | - | मदन. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !