वाजे विजय तुतारी रे
वाजे विजय तुतारी रे, तोरण बांधा दारी रे
रजत जयंती स्वातंत्र्याची दुमदुमते ललकारी रे
चला रे घुमवा जयजयकार, जय जय भारतमाता
खडतर होती पहिली वाट
आता सरले अवघड घाट
या विजयाच्या शिखरावरती झेंडा उंच उभारी रे
भूमीमध्ये जिरला घाम
कामकर्‍यांचे फळले काम
हिरवी राने हिरवी पाने, हिरवी भूमी सारी रे
हिंमत हरली दैन्याची
फत्ते झाली सैन्याची
भारतमाता आहे आता भाग्याची अधिकारी रे
नवतरुणांनो सरसावा
जपा जपा रे हा ठेवा
नव्या नव्या नित आकाशांतुन मारा गरुडभरारी रे
रजत जयंती स्वातंत्र्याची दुमदुमते ललकारी रे
चला रे घुमवा जयजयकार, जय जय भारतमाता
खडतर होती पहिली वाट
आता सरले अवघड घाट
या विजयाच्या शिखरावरती झेंडा उंच उभारी रे
भूमीमध्ये जिरला घाम
कामकर्‍यांचे फळले काम
हिरवी राने हिरवी पाने, हिरवी भूमी सारी रे
हिंमत हरली दैन्याची
फत्ते झाली सैन्याची
भारतमाता आहे आता भाग्याची अधिकारी रे
नवतरुणांनो सरसावा
जपा जपा रे हा ठेवा
नव्या नव्या नित आकाशांतुन मारा गरुडभरारी रे
| गीत | - | वसंत बापट |
| संगीत | - | |
| स्वर | - | |
| गीत प्रकार | - | स्फूर्ती गीत |
टीप - • या गीताचे मूळ ध्वनीमूद्रण आमच्याकडे नाही. आपल्याकडे असल्यास, कृपया aathavanitli.gani@gmail.com या इ-पत्त्यावर पाठवा. ते रसिकांना ऐकण्यासाठी इथे उपलब्ध करून दिले जाईल. |
| ललकार | - | चढा स्वर / गर्जना. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !