प्रीतिची हूल फुकट ना तरी
गालाला पडते खळी मला पाहुनी
ही नजर पाहते धरणी न्याहाळुनी
भयभीत प्रीत थरकते लीन लोचनीं
ओंठाची थरथरत पाकळी बोल गडे झडकरी
प्रीतिची हूल फुकट ना तरी
जिवाजिवाची अभंग जडली जोड असे ही जरी
भीति मग कोणाची अंतरीं
ही गांठ भिडेची तांत गळ्या लाविल
हिरव्याचीं पिवळीं पानें हीं होतिल
प्रीतिच्या फुलाचा वास उडुनि जाइल
फसाल पुरत्या बसाल गाळित घळघळ अश्रू झरी
प्रीतिची हूल फुकट ना तरी
| गीत | - | अनंत काणेकर |
| संगीत | - | केशवराव भोळे |
| स्वर | - | ज्योत्‍स्‍ना भोळे |
| नाटक | - | आंधळ्यांची शाळा |
| गीत प्रकार | - | नाट्यसंगीत |
| तांत | - | धागा / आतड्याची तार. |
या नाटकांत घातलेल्या दोन्ही कविता माझे कविमित्र श्री. अनंत काणेकर यांच्या आहेत. श्रेष्ठ व कलावंत कवि या दृष्टीने श्री. काणेकर हे सर्वांस परिचित आहेतच. त्यांची निवडक कविता 'चांदरात' या नांवाखाली श्री. प्र. श्री. कोल्हटकर हे लवकरच प्रकाशक या नात्यानें छापीत आहेत. पुस्तक प्रसिद्ध होण्याच्या आंतच मला त्यांतील दोन उत्कृष्ट कविता घेऊं दिल्याबद्दल मी प्रकाशक व लेखक यांचा ऋणी आहे.
(संपादित)
श्रीधर विनायक वर्तक
दि. १ जुलै १९३३
'आंधळ्यांची शाळा' या नाटकाच्या पुस्तकाच्या द्वितीयावृत्ती प्रस्तावनेतून.
सौजन्य- श्रीधर विनायक वर्तक (प्रकाशक)
* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.
इतर संदर्भ लेखPlease consider the environment before printing.
कागद वाचवा.
कृपया पर्यावरणाचा विचार करा.
दाद द्या अन्‌ शुद्ध व्हा !