शोधितो राधेला श्रीहरी
शारद पुनवा शांत चांदणे कालिंदीच्या तटी
गोपी जमल्या रास रंगला कदंबतरूतळवटी
दिसेना सखी लाडकी परि
शोधितो राधेला श्रीहरी !
इथे पाहतो तिथे पाहतो
मध्येच थबकुन उभा राहतो
बासरी मुकीच ओठांवरी
शोधितो राधेला श्रीहरी !
दरवळलेल्या कुंजानिकटी
इथेच ठरल्या होत्या भेटी
कशी ती वेळा टळली तरी
शोधितो राधेला श्रीहरी !
काय वाजले प्रिय ते पाऊल
तो तर वारा तिची न चाहूल
भास हो फसवा वरचेवरी
शोधितो राधेला श्रीहरी !
गोपी जमल्या रास रंगला कदंबतरूतळवटी
दिसेना सखी लाडकी परि
शोधितो राधेला श्रीहरी !
इथे पाहतो तिथे पाहतो
मध्येच थबकुन उभा राहतो
बासरी मुकीच ओठांवरी
शोधितो राधेला श्रीहरी !
दरवळलेल्या कुंजानिकटी
इथेच ठरल्या होत्या भेटी
कशी ती वेळा टळली तरी
शोधितो राधेला श्रीहरी !
काय वाजले प्रिय ते पाऊल
तो तर वारा तिची न चाहूल
भास हो फसवा वरचेवरी
शोधितो राधेला श्रीहरी !
| गीत | - | शान्ता शेळके |
| संगीत | - | अशोक पत्की |
| स्वर | - | सुरेश वाडकर |
| चित्रपट | - | हेच माझे माहेर |
| गीत प्रकार | - | चित्रगीत, हे श्यामसुंदर |
| कुंज | - | वेलींचा मांडव. |
| कदंब (कळंब) | - | वृक्षाचे नाव. |
| कालिंदी | - | यमुना नदी. कालिंद पर्वतातून उगम पावलेल्या यमुना नदीस कालिंदी म्हणूनही संबोधण्यात येते. |
| तळवटी | - | खाली. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !