शिकवितेस तू शिकता शिकता
शिकवितेस तू शिकता शिकता
सहज मजकडे बघता बघता
बघायलाही तुम्ही शिकविता
सहज मजकडे बघता बघता
तुझी पापणी ती ढळलेली
गूज मनीचे लिहिते गाली
कळते मजला तुम्ही वाचता
सहज मजकडे बघता बघता
स्पर्श सारखा पुसतो काही
हर्ष मनाचा अबोल राही
परि बोलकी तुझी मुग्धता
सहज मजकडे बघता बघता
करिशी वेणी मागेपुढती
निळी पाखरे नयनी उडती
हसता मजला अर्थ लागता
सहज मजकडे बघता बघता
चंपक गोर्या रोमांचातुन
गीत सुगंधी येता बहरून
बावरशी का प्रीत गुंजता
सहज मजकडे बघता बघता
सहज मजकडे बघता बघता
बघायलाही तुम्ही शिकविता
सहज मजकडे बघता बघता
तुझी पापणी ती ढळलेली
गूज मनीचे लिहिते गाली
कळते मजला तुम्ही वाचता
सहज मजकडे बघता बघता
स्पर्श सारखा पुसतो काही
हर्ष मनाचा अबोल राही
परि बोलकी तुझी मुग्धता
सहज मजकडे बघता बघता
करिशी वेणी मागेपुढती
निळी पाखरे नयनी उडती
हसता मजला अर्थ लागता
सहज मजकडे बघता बघता
चंपक गोर्या रोमांचातुन
गीत सुगंधी येता बहरून
बावरशी का प्रीत गुंजता
सहज मजकडे बघता बघता
| गीत | - | पी. सावळाराम |
| संगीत | - | वसंत प्रभु |
| स्वर | - | आशा भोसले, दशरथ पुजारी |
| चित्रपट | - | बायकोचा भाऊ |
| गीत प्रकार | - | चित्रगीत, युगुलगीत |
| गुज | - | गुप्त गोष्ट, कानगोष्ट. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !