सखी मी दर्ददिवाणी
सखी मी दर्ददिवाणी, माझी व्यथा कुणा नकळे ग !
घायाळाची मर्मवेदना घायाळास कळे ग !
रत्नपारख्याविण रत्नांची कुणा न पारख व्हावी
शूलावर मम शेज सखे जर नीज कशी मज यावी
गगनमंडळी शेज प्रियाची, मीलन मग कोठे ग !
फिरते वणवण जखमी होवून, वैद्य कुणी न भेटे ग
मीरेची संपेल व्यथा जर हरीच वैद्य मिळे ग !
घायाळाची मर्मवेदना घायाळास कळे ग !
रत्नपारख्याविण रत्नांची कुणा न पारख व्हावी
शूलावर मम शेज सखे जर नीज कशी मज यावी
गगनमंडळी शेज प्रियाची, मीलन मग कोठे ग !
फिरते वणवण जखमी होवून, वैद्य कुणी न भेटे ग
मीरेची संपेल व्यथा जर हरीच वैद्य मिळे ग !
| गीत | - | मंगेश पाडगांवकर |
| संगीत | - | यशवंत देव |
| स्वर | - | शोभा जोशी |
| गीत प्रकार | - | हे श्यामसुंदर, भावगीत |
| शेज | - | अंथरूण. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !