सखि बघ अघटित घडले ग
सखि बघ अघटित घडले ग
स्वप्नामधल्या निशिगंधाची अवचित होऊन गेले ग !
मजला काही न कळले ग
संथ शांत या सरितेचे जळ आज खळाळून उठले ग !
गगन धरेवर झुकले ग
सुधबुध सारी राधेपरि मी पुरती हरवुनी गेले ग !
वादळ वारे सुटले ग
श्रावणमेघापरी बरसला, सचैल पुरती न्हाले ग !
तेज रवीचे झरले ग
पान पान या प्राणलतेचे लाजलाजुनी लवले ग !
स्वप्नामधल्या निशिगंधाची अवचित होऊन गेले ग !
मजला काही न कळले ग
संथ शांत या सरितेचे जळ आज खळाळून उठले ग !
गगन धरेवर झुकले ग
सुधबुध सारी राधेपरि मी पुरती हरवुनी गेले ग !
वादळ वारे सुटले ग
श्रावणमेघापरी बरसला, सचैल पुरती न्हाले ग !
तेज रवीचे झरले ग
पान पान या प्राणलतेचे लाजलाजुनी लवले ग !
| गीत | - | इंदिरा कुलकर्णी |
| संगीत | - | गजानन वाटवे |
| स्वराविष्कार | - | ∙ रंजना जोगळेकर ∙ कुंदा बोकिल ( गायकांची नावे कुठल्याही विशिष्ट क्रमाने दिलेली नाहीत. ) |
| गीत प्रकार | - | भावगीत |
| सरिता | - | नदी. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !