A Non-Profit Non-Commercial Public Service Initiative by Alka Vibhas   
सजणा कशासी अबोला

सजणा, कशासी अबोला?
घडला असा रे माझा काय गुन्हा?

छळितो मजसी हा दुरावा, ध्यास तुझा जुलमी !
मोहरली वसुधा तरी का सावन हा विरही?
नवरंगी पुकारी माझि साद तुला
नवरंगी पुकारी साद तुला !

भास तुझा फुलवी सुखाचा पारिजात हृदयी
आस मनी झुरते अनोखी व्याकुळल्या समयी
रतिरंगी बुडाली अशी चंद्रकला
रतिरंगी बुडाली चंद्रकला !