सजण दारी उभा
सजण दारी उभा, काय आता करू?
घर कधी आवरू? मज कधी सावरू?
मी न केली सखे अजून वेणीफणी,
मी न पुरते मला निरखिले दर्पणी
अन् सडाही न मी टाकिला अंगणी;
राहिले नाहणे ! कुठुन काजळ भरू?
मी न दुबळी कुडी अजून शृंगारिली
मी न सगळीच ही आसवे माळिली,
प्राणपूजा न मी अजूनही बांधिली;
काय दारातुनी परत मागे फिरू?
बघ पुन्हा वाजली थाप दारावरी :
हीच मी ऐकिली जन्मजन्मांतरी;
तीच मी राधिका ! तोच हा श्रीहरी !
हृदय माझे कसे मीच हृदयी धरू?
घर कधी आवरू? मज कधी सावरू?
मी न केली सखे अजून वेणीफणी,
मी न पुरते मला निरखिले दर्पणी
अन् सडाही न मी टाकिला अंगणी;
राहिले नाहणे ! कुठुन काजळ भरू?
मी न दुबळी कुडी अजून शृंगारिली
मी न सगळीच ही आसवे माळिली,
प्राणपूजा न मी अजूनही बांधिली;
काय दारातुनी परत मागे फिरू?
बघ पुन्हा वाजली थाप दारावरी :
हीच मी ऐकिली जन्मजन्मांतरी;
तीच मी राधिका ! तोच हा श्रीहरी !
हृदय माझे कसे मीच हृदयी धरू?
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !