रमला कुठे ग कान्हा
रमला कुठे ग कान्हा
का अजुनी येई ना?
बाई तिन्हीसांजा झाल्या
गाई घरा परतल्या
धुंडोनी नजरा शिणल्या
कुठे शोधू माझा तान्हा?
मुरलीचा मंजुळ सूर
घुमतो का कोठे दूर
लागे जीवा हुरहूर
आवरेना फुटला पान्हा
का अजुनी येई ना?
बाई तिन्हीसांजा झाल्या
गाई घरा परतल्या
धुंडोनी नजरा शिणल्या
कुठे शोधू माझा तान्हा?
मुरलीचा मंजुळ सूर
घुमतो का कोठे दूर
लागे जीवा हुरहूर
आवरेना फुटला पान्हा
| गीत | - | स. अ. शुक्ल |
| संगीत | - | जी. एन्. जोशी |
| स्वर | - | लीला लिमये |
| गीत प्रकार | - | भावगीत, हे श्यामसुंदर |
| तिनिसांज | - | सांजवेळ, तिनिसांज, तिनिसांजा, तिनीसांज, तिनीसांजा, तिन्हिसांजा, कातरवेळ हे सर्व शब्द 'संध्याकाळ' या शब्दाचे समानार्थी शब्द आहेत. सांजवणे, सांजावणे, सांजळणे म्हणजे संध्याकाळ होणे. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !