पहा टाकले पुसुनी डोळे
पहा टाकले पुसुनी डोळे गिळला मी हुंदका
रणांगणी जा सुखे राजसा परतुन पाहू नका !
झडे दुंदुभी, झडे चौघडा
रणरंगाचा हर्ष केवढा !
एकदाच जन्मात लाभते ही असली घटिका !
शकुनगाठ पदरास बांधुनी
निरोप देते तुम्हा हासुनी
आणि लावते भाळी तुमच्या विजयाच्या तिलका !
या देशाची पवित्र माती
इथे वीरवर जन्मा येती
तोच वारसा तुम्ही पोचवा येणार्या शतका !
रणांगणी जा सुखे राजसा परतुन पाहू नका !
झडे दुंदुभी, झडे चौघडा
रणरंगाचा हर्ष केवढा !
एकदाच जन्मात लाभते ही असली घटिका !
शकुनगाठ पदरास बांधुनी
निरोप देते तुम्हा हासुनी
आणि लावते भाळी तुमच्या विजयाच्या तिलका !
या देशाची पवित्र माती
इथे वीरवर जन्मा येती
तोच वारसा तुम्ही पोचवा येणार्या शतका !
| गीत | - | शान्ता शेळके |
| संगीत | - | पं. हृदयनाथ मंगेशकर |
| स्वर | - | लता मंगेशकर |
| गीत प्रकार | - | स्फूर्ती गीत, नयनांच्या कोंदणी |
| दुंदुभि | - | नगारा, एक वाद्य. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !