नको मारूस हाक
नको मारूस हाक
मला घरच्यांचा धाक
भर बाजारी करशी खुणा
करू नको पुन्हा हा गुन्हा
द्वाड सासरचा गाव
माझं जाईल नाव
तू माहेरचा मैतर जुना
का रे भरतोस शीळ
पडे काळजास पीळ
गुज कळेल सार्या जना
नको धरूस राग
जरा समजून वाग
तुझ्या डोळ्यांत अवखळपणा
लाख लोकांचा हाट
नको अडवूस वाट
धर आवरून आपल्या मना
मला घरच्यांचा धाक
भर बाजारी करशी खुणा
करू नको पुन्हा हा गुन्हा
द्वाड सासरचा गाव
माझं जाईल नाव
तू माहेरचा मैतर जुना
का रे भरतोस शीळ
पडे काळजास पीळ
गुज कळेल सार्या जना
नको धरूस राग
जरा समजून वाग
तुझ्या डोळ्यांत अवखळपणा
लाख लोकांचा हाट
नको अडवूस वाट
धर आवरून आपल्या मना
| गीत | - | ग. दि. माडगूळकर |
| संगीत | - | दत्ता डावजेकर |
| स्वर | - | आशा भोसले |
| चित्रपट | - | पाठलाग |
| गीत प्रकार | - | चित्रगीत, लावणी |
| गुज | - | गुप्त गोष्ट, कानगोष्ट. |
| हाट | - | बाजार. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !