मी आज पाहिला बाई
मी आज पाहिला ग बाई,
आईबापांचा माझ्या जावई !
मला पाहून, उभा राहून, तो ग गालात हसला थोडा
त्याला पाहुन, गेले मोहून, जीव लाजेने झाला वेडा
जुन्या ओळखीची नवी नवलाई !
बाळपणात, रानावनात, जोडी-जोडीने फिरलो दोघे
शीळ भरीत, खेळ करीत, दर्या-डोंगर केले जागे
धीर बोलाया आज का नाही?
आज ओठात अडतो बोल, उभ्याउभ्याच जातो तोल
एका झुळकीत फुलली जाई
आईबापांचा माझ्या जावई !
मला पाहून, उभा राहून, तो ग गालात हसला थोडा
त्याला पाहुन, गेले मोहून, जीव लाजेने झाला वेडा
जुन्या ओळखीची नवी नवलाई !
बाळपणात, रानावनात, जोडी-जोडीने फिरलो दोघे
शीळ भरीत, खेळ करीत, दर्या-डोंगर केले जागे
धीर बोलाया आज का नाही?
आज ओठात अडतो बोल, उभ्याउभ्याच जातो तोल
एका झुळकीत फुलली जाई
| गीत | - | ग. दि. माडगूळकर |
| संगीत | - | सुधीर फडके |
| स्वर | - | ललिता फडके |
| चित्रपट | - | चिमण्यांची शाळा |
| गीत प्रकार | - | चित्रगीत |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !