मीच मला पाहते आजच का
मीच मला पाहते, पाहते आजच का?
असा मुलायम असा
देह तरी हा कसा?
माझा म्हणू तरी कसा?
हा डोह जणू की कृष्ण सावळा, मी त्याची राधिका !
काठावरले तरू
हळूच पाहते धरू
मोरपिशी पाखरू
मज आज गवसली माझ्या मधली सोन्याची द्वारका !
पदर असा फडफडे
नजर फिरे चहूंकडे
नवल देखणे घडे
हा तरंग मागेपुढे जळावर हलतो का सारखा?
असा मुलायम असा
देह तरी हा कसा?
माझा म्हणू तरी कसा?
हा डोह जणू की कृष्ण सावळा, मी त्याची राधिका !
काठावरले तरू
हळूच पाहते धरू
मोरपिशी पाखरू
मज आज गवसली माझ्या मधली सोन्याची द्वारका !
पदर असा फडफडे
नजर फिरे चहूंकडे
नवल देखणे घडे
हा तरंग मागेपुढे जळावर हलतो का सारखा?
| गीत | - | आरती प्रभू |
| संगीत | - | दत्ता डावजेकर |
| स्वर | - | कृष्णा कल्ले |
| चित्रपट | - | यशोदा |
| गीत प्रकार | - | चित्रगीत |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !