माझ्या मराठीचा बोल
नदीच्या किनारी नदीला म्हणावे
तुझे पूर माझ्या नसांतून यावे
अभंगात गोडी तुझ्या भाकरीची
तहानेत माझ्या तुला ओळखावे
माझा मराठीचा बोल
वाजे काळजात खोल
ओवीमधून पाझरे निळ्या अमृताची ओल
माझी मराठी माउली
तिची विठोबा साउली
ज्ञाना-नामा-तुका-एका उभे कैवल्य राउळी
माझा मराठी गुलाल
त्याला अबीराचा वास
माझ्यासाठी चंद्रभागा उरी कालवते घास
माझ्या मराठी मातीची
खोलवर रूजे नाळ
सळसळतो आतून माझ्या रक्तात पिंपळ
तुझे पूर माझ्या नसांतून यावे
अभंगात गोडी तुझ्या भाकरीची
तहानेत माझ्या तुला ओळखावे
माझा मराठीचा बोल
वाजे काळजात खोल
ओवीमधून पाझरे निळ्या अमृताची ओल
माझी मराठी माउली
तिची विठोबा साउली
ज्ञाना-नामा-तुका-एका उभे कैवल्य राउळी
माझा मराठी गुलाल
त्याला अबीराचा वास
माझ्यासाठी चंद्रभागा उरी कालवते घास
माझ्या मराठी मातीची
खोलवर रूजे नाळ
सळसळतो आतून माझ्या रक्तात पिंपळ
| गीत | - | अशोक बागवे |
| संगीत | - | कौशल इनामदार |
| स्वर | - | पं. रघुनंदन पणशीकर, संजीव चिम्मलगी, कौशल इनामदार |
| गीत प्रकार | - | स्फूर्ती गीत |
| अबीर | - | एक सुगंधी पूड. |
| कैवल्य | - | मोक्ष, मुक्ती. |
| राऊळ | - | देऊळ. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !