माझी आगबोट चालली
माझी आगबोट चालली दरियात ग !
मन धावत तरी तव हृदयात ग
पाचूवाणी जळावरी मोत्यांवाणी फेंस
खेळताना म्हणे मातें "मोदें बाळा हास"
पिशावाणी उदास मी, एक तुझा ध्यास
पाचूवाणी नेत्रीं तुझ्या मोतीं ठाव घेत ग !
आशेने मीं आकाशात पाहियलें जधीं
तुझीं प्रेमपुष्पें शुभ्र आलीं वाटे तधीं
परि हाय ! पक्षी ते ग स्वैर वार्यामधीं
सान बाळापरी मज कुणी फसवीत ग !
मन धावत तरी तव हृदयात ग
पाचूवाणी जळावरी मोत्यांवाणी फेंस
खेळताना म्हणे मातें "मोदें बाळा हास"
पिशावाणी उदास मी, एक तुझा ध्यास
पाचूवाणी नेत्रीं तुझ्या मोतीं ठाव घेत ग !
आशेने मीं आकाशात पाहियलें जधीं
तुझीं प्रेमपुष्पें शुभ्र आलीं वाटे तधीं
परि हाय ! पक्षी ते ग स्वैर वार्यामधीं
सान बाळापरी मज कुणी फसवीत ग !
| गीत | - | बा. भ. बोरकर |
| संगीत | - | |
| स्वर | - | मीनाक्षी शिरोडकर |
| गीत प्रकार | - | भावगीत |
टीप - • काव्य रचना- १ डिसेंबर १९२९. |
| जधीं | - | जेव्हां, ज्या दिवशी. |
| तधीं | - | तेव्हां, त्या दिवशी. |
| पाचू (पाच) | - | एक प्रकारचे रत्न. |
| पिसे | - | वेड. |
| मोद | - | आनंद |
| सान | - | लहान. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !