जय महाराष्ट्र जय महाराष्ट्र (१)
जय महाराष्ट्र जय महाराष्ट्र हा गर्जा जयजयकार
जय वारकरी, जय धारकरी, जय शिवबाची तलवार
जय अमुची प्राकृत वाणी
जय सप्तशतीतिल गाणी
जय संतकवी, जय पंतकवी, जय तंतकवी रसदार
जय यादववंशी राणा
जय शिवरायांचा बाणा
जय भीमथडी, जय वीरगडी, जय रांगडेच सरदार
जय रायगडाचा माथा
जय सिंहगडाचा ताठा
जय सह्यगिरी, पाताळदरी, जय सिंधुदुर्ग झुंजार
जय वर्हाडचे आजोळ
जय अजंठा नि वेरूळ
जय बारा मावळ, वाई जावळ, जय खानदेश सातार
जय गोमंतक रंगेल
जय कोल्हपूर रगेल
जय लाल वाट, जय तुंग घाट, जय कृष्णेची जलधार
जय तुळजा तुळजापूरची
जय मायभवानी अमुची
जय भावपंढरी. शिखर जेजुरी, जयतु देव मल्हार
जय सकल लोकमान्यांचा
जय सगळ्या सामान्यांचा
जय शेतकरी, जय कातकरी, जय स्वाभिमान साकार
जय वारकरी, जय धारकरी, जय शिवबाची तलवार
जय अमुची प्राकृत वाणी
जय सप्तशतीतिल गाणी
जय संतकवी, जय पंतकवी, जय तंतकवी रसदार
जय यादववंशी राणा
जय शिवरायांचा बाणा
जय भीमथडी, जय वीरगडी, जय रांगडेच सरदार
जय रायगडाचा माथा
जय सिंहगडाचा ताठा
जय सह्यगिरी, पाताळदरी, जय सिंधुदुर्ग झुंजार
जय वर्हाडचे आजोळ
जय अजंठा नि वेरूळ
जय बारा मावळ, वाई जावळ, जय खानदेश सातार
जय गोमंतक रंगेल
जय कोल्हपूर रगेल
जय लाल वाट, जय तुंग घाट, जय कृष्णेची जलधार
जय तुळजा तुळजापूरची
जय मायभवानी अमुची
जय भावपंढरी. शिखर जेजुरी, जयतु देव मल्हार
जय सकल लोकमान्यांचा
जय सगळ्या सामान्यांचा
जय शेतकरी, जय कातकरी, जय स्वाभिमान साकार
| गीत | - | वसंत बापट |
| संगीत | - | विनय राजवाडे |
| स्वर | - | प्रसन्नजीत कोसंबी, माधुरी करमरकर, जान्हवी प्रभू-अरोरा, जयदीप बगवाडकर, अमृता नातू, विश्वजीत बोरवणकर |
| गीत प्रकार | - | स्फूर्ती गीत |
| कातकरी | - | एक जात. |
| तंतकवी | - | राम जोशी, होनाजी, अनंत फंदी इत्यादि. (शाहीर) |
| थडी | - | तीर / कुळ / मर्यादा. |
| धारकरी | - | तरवारबहाद्दर, योद्धा. |
| पंतकवी | - | मोरोपंत, वामन पंडित, रघुनाथ पंडित इत्यादि. |
| संतकवी | - | संत- ज्ञानेश्वर, नामदेव, एकनाथ, तुकाराम इत्यादि. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !