इथेच टाका तंबू
चला जाउ द्या पुढे काफिला
अजुनी नाही मार्ग संपला
इथेच टाका तंबू !
जाता जाता जरा विसावा
एक रात्र थांबू
इथेच टाका तंबू !
थोडी हिरवळ, थोडे पाणी
मस्त त्यात ही रात चांदणी
उतरा ओझी, विसरा थकवा
सुखास पळभर चुंबू
इथेच टाका तंबू !
अंग शहारे जशी खंजिरी
चांदही हलला, हलल्या खजुरी
हलल्या तारा हलला वारा
नृत्य लागले रंगू
इथेच टाका तंबू !
निवल्या वाळूवरी सावली
मदमस्तानी नाचु लागली
लयीत डुलती थकली शरिरे
नयन लागले झिंगू
इथेच टाका तंबू !
अजुनी नाही मार्ग संपला
इथेच टाका तंबू !
जाता जाता जरा विसावा
एक रात्र थांबू
इथेच टाका तंबू !
थोडी हिरवळ, थोडे पाणी
मस्त त्यात ही रात चांदणी
उतरा ओझी, विसरा थकवा
सुखास पळभर चुंबू
इथेच टाका तंबू !
अंग शहारे जशी खंजिरी
चांदही हलला, हलल्या खजुरी
हलल्या तारा हलला वारा
नृत्य लागले रंगू
इथेच टाका तंबू !
निवल्या वाळूवरी सावली
मदमस्तानी नाचु लागली
लयीत डुलती थकली शरिरे
नयन लागले झिंगू
इथेच टाका तंबू !
| गीत | - | ग. दि. माडगूळकर |
| संगीत | - | पु. ल. देशपांडे |
| स्वर | - | आशा भोसले, पं. वसंतराव देशपांडे |
| चित्रपट | - | गुळाचा गणपति |
| गीत प्रकार | - | चित्रगीत, युगुलगीत |
| खंजिरी | - | घुंगरू लावलेला डफ. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !