गोंडा फुटला दिसाचा
गोंडा फुटला दिसाचा जसं जास्वंदीचं फूल
माय धरित्रीच्या दारी पडे देवाचं पाऊल
माय माय म्हणताना सय माउलीची आली
माउलीच्या मागं मला दादा तुझीच साउली
देह नांदतो सासरी मन माहेरा निघालं
माय धरित्रीच्या दारी पडे देवाचं पाऊल
भाऊ माझा तालेवार, बारा बैल दावणीला
उभा पाठीशी सावळा काय उणं बहिणीला?
सार्या गावाहून चढं असं धनत्तर कूळ
माय धरित्रीच्या दारी पडे देवाचं पाऊल
माझं मागणं ते किती, तुझं देणं भारंभार
माझी चोळीची रे आशा, तुझा जरीचा पदर
झोपडीला या आधार दादा तुझं रे राऊळ
माय धरित्रीच्या दारी पडे देवाचं पाऊल
माय धरित्रीच्या दारी पडे देवाचं पाऊल
माय माय म्हणताना सय माउलीची आली
माउलीच्या मागं मला दादा तुझीच साउली
देह नांदतो सासरी मन माहेरा निघालं
माय धरित्रीच्या दारी पडे देवाचं पाऊल
भाऊ माझा तालेवार, बारा बैल दावणीला
उभा पाठीशी सावळा काय उणं बहिणीला?
सार्या गावाहून चढं असं धनत्तर कूळ
माय धरित्रीच्या दारी पडे देवाचं पाऊल
माझं मागणं ते किती, तुझं देणं भारंभार
माझी चोळीची रे आशा, तुझा जरीचा पदर
झोपडीला या आधार दादा तुझं रे राऊळ
माय धरित्रीच्या दारी पडे देवाचं पाऊल
| गीत | - | शान्ता शेळके |
| संगीत | - | विश्वनाथ मोरे |
| स्वर | - | आशा भोसले, वैजयंती लिमये |
| चित्रपट | - | भुजंग |
| गीत प्रकार | - | चित्रगीत |
| तालेवार | - | श्रीमंत / प्रतिष्ठित. |
| धनत्तर | - | श्रीमंत. |
| राऊळ | - | देऊळ. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !