घेई घेई माझे वाचे
घेई घेई माझे वाचे ।
गोड नाम विठोबाचें ॥१॥
तुह्मी घ्या रे डोळे सुख ।
पहा विठोबाचें मुख ॥२॥
तुह्मी ऐका रे कान ।
माझ्या विठोबाचें गुण ॥३॥
मना तेथें धांव घेई ।
राहें विठोबाचे पायीं ॥४॥
(रूपीं गुंतले लोचन ।
पायीं स्थिरावले मन ॥५॥
देहभाव हरपला ।
तुज पाहता विठ्ठला ॥६॥)
तुका ह्मणे जीवा ।
नको सोडूं या केशवा ॥७॥
गोड नाम विठोबाचें ॥१॥
तुह्मी घ्या रे डोळे सुख ।
पहा विठोबाचें मुख ॥२॥
तुह्मी ऐका रे कान ।
माझ्या विठोबाचें गुण ॥३॥
मना तेथें धांव घेई ।
राहें विठोबाचे पायीं ॥४॥
(रूपीं गुंतले लोचन ।
पायीं स्थिरावले मन ॥५॥
देहभाव हरपला ।
तुज पाहता विठ्ठला ॥६॥)
तुका ह्मणे जीवा ।
नको सोडूं या केशवा ॥७॥
| गीत | - | संत तुकाराम |
| संगीत | - | सुधीर फडके |
| स्वर | - | सुमन कल्याणपूर |
| गीत प्रकार | - | संतवाणी, विठ्ठल विठ्ठल |
भावार्थ-
- ए माझ्या वाचे, तू विठोबाचे गोड नाव नेहमी घेत जा.
- डोळ्यांनो, तुम्ही विठ्ठलाचे मुख पहा. ते पाहताना तुम्हाला आनंद होऊन सुखी व्हाल.
- कानांनो, ऐका रे ऐका माझ्या विठोबाचे गुण ऐका.
- मना, त्या विठ्ठलाचे चरणी धाव घे. त्याचे ध्यान कर.
- तुकाराम महाराज म्हणतात, हे जीवा, या केशवाला म्हणजेच विठ्ठलाला तू कधी सोडू नको.
गो. वि. नामजोशी
संत तुकारामाची सार्थ अभंगवाणी
सौजन्य- सुलभ प्रकाशन, मुंबई.
* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.
इतर भावार्थPlease consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !