गेले ते दिन गेले
वेगवेगळीं फुलें उमललीं
रचुनी त्यांचे झेले
एकमेकांवरी उधळले
गेले ! ते दिन गेले !!
कदंबतरूला बांधुन दोला
उंच खालतीं झोले
परस्परांनी दिले घेतले
गेले ! ते दिन गेले !!
हरित बिलोरी वेलबुटी वरिं-
शीतरसांचे प्याले
अन्योन्यांनीं किती झोकले
गेले ! ते दिन गेले !!
निर्मलभावें नव देखावे
भरुनी दोन्ही डोळे
तूं मी मिळुनी रोज पाहिले
गेले ! ते दिन गेले !!
रचुनी त्यांचे झेले
एकमेकांवरी उधळले
गेले ! ते दिन गेले !!
कदंबतरूला बांधुन दोला
उंच खालतीं झोले
परस्परांनी दिले घेतले
गेले ! ते दिन गेले !!
हरित बिलोरी वेलबुटी वरिं-
शीतरसांचे प्याले
अन्योन्यांनीं किती झोकले
गेले ! ते दिन गेले !!
निर्मलभावें नव देखावे
भरुनी दोन्ही डोळे
तूं मी मिळुनी रोज पाहिले
गेले ! ते दिन गेले !!
| गीत | - | भवानीशंकर पंडित |
| संगीत | - | श्रीनिवास खळे |
| स्वर | - | पं. हृदयनाथ मंगेशकर |
| राग | - | चारुकेशी |
| गीत प्रकार | - | भावगीत |
टीप - • काव्य रचना- ३१ डिसेंबर १९३३, नागपूर. |
| अन्योन्य | - | परस्पर / एकमेक. |
| कदंब (कळंब) | - | वृक्षाचे नाव. |
| झेला | - | गुच्छ / नक्षी. |
| झोला | - | झोका. |
| दोला (आंदोला) | - | झोका. |
| बिलोरी | - | काचेचे. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !