गगनी अर्धा चंद्र उगवला
गगनी अर्धा चंद्र उगवला, मोहरले चांदणे
अडली वाणी, मिटे पापणी, मिटली ग लोचने
राहिले अर्ध्यावर बोलणे !
प्रथम बोलले तेच काहीसे
मला न सुचले उत्तर कैसे
भलत्या वेळी कसे बाई ग आठवले लाजणे?
धीर धरून मी पुसता काही
अस्फुट त्यांचे उत्तर येई
शब्दाहुनही अधिक बोलके झाले मग पाहणे !
एक हाक ये दुरुनी साधी
सिद्धीपुर्वी सुटे समाधी
पुन्हा न जमले कधी त्यापरी एकान्ती भेटणे !
अडली वाणी, मिटे पापणी, मिटली ग लोचने
राहिले अर्ध्यावर बोलणे !
प्रथम बोलले तेच काहीसे
मला न सुचले उत्तर कैसे
भलत्या वेळी कसे बाई ग आठवले लाजणे?
धीर धरून मी पुसता काही
अस्फुट त्यांचे उत्तर येई
शब्दाहुनही अधिक बोलके झाले मग पाहणे !
एक हाक ये दुरुनी साधी
सिद्धीपुर्वी सुटे समाधी
पुन्हा न जमले कधी त्यापरी एकान्ती भेटणे !
| गीत | - | ग. दि. माडगूळकर |
| संगीत | - | सुधीर फडके |
| स्वर | - | |
| चित्रपट | - | देवघर (१९५६) |
| गीत प्रकार | - | शब्दशारदेचे चांदणे, चित्रगीत |
टीप - • या गीताचे मूळ ध्वनीमूद्रण आमच्याकडे नाही. आपल्याकडे असल्यास, कृपया aathavanitli.gani@gmail.com या इ-पत्त्यावर पाठवा. ते रसिकांना ऐकण्यासाठी इथे उपलब्ध करून दिले जाईल. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !