धुंदीत गाऊ मस्तीत राहू
छेडित जाऊ आज प्रीत साजणा

थंडी गुलाबी हवा ही शराबी
छेडित जाऊ आज प्रीत साजणी

रूपेरी उन्हात धुके दाटलेले
दुधी चांदणे हे जणू गोठलेले
असा हात हाती, तू एक साथी
जुळे आज ओठी माझ्या गीत साजणा

दंवाने भिजावी इथे झाडवेली
राणी फुलांची फुलांनीच न्हाली
ये ना जराशी, प्रिये बाहुपाशी
अशी मीलनाची आहे रीत साजणी

अशी हिरवळीची शाल पांघरावी
लाली फळांची गाली चढावी
हळूहळू वारा झंकारी तारा
आळवित प्रीतीचे संगीत साजणा

जळी यौवनाच्या डुले हा शिकारा
असा हा निवारा असा हा उबारा
अशा रम्य काली, नशा आज आली
एकान्‍त झाला जणू आज पाहुणा