दशदिशांस पुसतो
दशदिशांस पुसतो, पुसतो वेड्या नभा
ती कुठे राजसा माझी प्रियवल्लभा?
क्षण दिसली, लपली फिरुनी मृगलोचना
का करिसी दैवा क्रूर अशी वंचना?
ते स्वप्न संपले, स्तिमित इथे मी उभा !
मज क्षणाक्षणाला रूप तिचे भासते
छळतात जिवाला दाहक आभास ते
तिमिरांध सूर्य मी शोधित फिरतो प्रभा !
ती कुठे राजसा माझी प्रियवल्लभा?
क्षण दिसली, लपली फिरुनी मृगलोचना
का करिसी दैवा क्रूर अशी वंचना?
ते स्वप्न संपले, स्तिमित इथे मी उभा !
मज क्षणाक्षणाला रूप तिचे भासते
छळतात जिवाला दाहक आभास ते
तिमिरांध सूर्य मी शोधित फिरतो प्रभा !
| गीत | - | शान्ता शेळके |
| संगीत | - | पं. जितेंद्र अभिषेकी |
| स्वर | - | अरविंद पिळगांवकर |
| नाटक | - | वासवदत्ता |
| गीत प्रकार | - | नाट्यसंगीत |
| प्रभा | - | तेज / प्रकाश. |
| वंचना | - | फसवणूक. |
| वल्लभा | - | पत्नी. |
| स्तिमित | - | आश्चर्य. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !