चंद्रिका ही जणुं
चंद्रिका ही जणुं ठेवि या स्नेहें कमलांगणीं ।
कुमुदबांधव श्यामला मेघा तस्कर मानोनी ॥
चंद्रसदननभमंडला मेघांनीं वेढियलें ।
शोभाधन विपुल तें लपवितां कोपें भरलें ।
शोधित वेगें दशदिशा भूवरी सकल आलें ।
आतां निकरें सरसावले, दिसत ही या क्षणीं ॥
कुमुदबांधव श्यामला मेघा तस्कर मानोनी ॥
चंद्रसदननभमंडला मेघांनीं वेढियलें ।
शोभाधन विपुल तें लपवितां कोपें भरलें ।
शोधित वेगें दशदिशा भूवरी सकल आलें ।
आतां निकरें सरसावले, दिसत ही या क्षणीं ॥
| गीत | - | कृ. प्र. खाडिलकर |
| संगीत | - | गोविंदराव टेंबे |
| स्वराविष्कार | - | ∙ मास्टर दीनानाथ ∙ कृष्णराव शेंडे ∙ छोटा गंधर्व ∙ सुरेश वाडकर ∙ प्रभाकर कारेकर ∙ आशा भोसले ( गायकांची नावे कुठल्याही विशिष्ट क्रमाने दिलेली नाहीत. ) |
| नाटक | - | मानापमान |
| राग | - | अरब्बी, दुर्गा |
| ताल | - | दादरा |
| चाल | - | मनुजा सुगुण |
| गीत प्रकार | - | शब्दशारदेचे चांदणे, नाट्यसंगीत |
| चंद्रिका | - | चांदणे. |
| निकर | - | जोर / अतिरेक / पराकाष्ठा. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !