चंद्र तोच अन्‌ तेच तारे, तीच चांदणी रात
तू मी होतो परंतु नव्हती त्या रातीची बात

निशिगंधाचा सुंगंध उधळित तसाच आला वारा
अंगाला ग अंग लागता तसा ग फुलला शहारा
गळ्यात माझ्या तसाच प्‍यारा तुझा गोरटा हात
परंतु नव्हती मादकतेची सळसळ बिजली त्यात

त्याच तरूतळी किरण-सावल्या लपंडाव खेळे
तशीच अपुली नजर मिळवणी, तसेच हसले डोळे
भावगीत तू तेच गाइले त्याच रंग-रागात
परंतु नव्हते हृदय उतरले तुझ्या गोड गाण्यात