भर दुपारच्या ग प्रहरी
मंडळी असुनी शेजारी
अशि कशि घरात झालि बाइ चोरी?

मी घरात होते बसले
मज अंगणात ते दिसले
मी बघता बघता फसले
अन्‌ चोरा पाहुन हसले
मंडळी असून शेजारी
अशि कशि घरात झालि बाइ चोरी?

किती चोराची नवलाई
दादा चोरां सामिल होई
दोघे हातात घालुनी हात
बाबा पुढुनी आले आत
बैसला चोर बाहेरी
अशि कशि घरात झालि बाइ चोरी?

मधुहास्य लावुनी चावी
तिजोरी दुरून कशी उघडावी
प्रीतीचा चोरकंदील
नेले चोरुनी त्याने माझे दील
लुटली ऐपत माझी सारी
अशि कशि घरात झालि बाइ चोरी?

जरी ऐपत माझी नेली
विसरला इथेच तो अपुली
जरी येईल मागायासी
तरी देईन नच मी त्यासी
डांबीन इथे चौप्रहरी
करावी कशास असली चोरी?