अंधाराची खंत तू
अंधाराची खंत तू कशाला करिसी रे?
गा प्रकाशगीत !
रोज नवी ही उषा उगवते
कवच भेदुनी अंधाराचे
कळीकळीच्या कोशामधुनी
निसर्ग गातो गीत उद्याचे
संजीवन हसते नाशामधुनी, हीच जगाची रीत !
दु:ख निराशा दूर सारुनी
सदा पडावे पाऊल पुढती
गतकाळाची कशास भीती?
भविष्य अपुले अपुल्या हाती
फुलव निराळे तुझ्या मुठीतुनी, तूच तुझे संचित !
गा प्रकाशगीत !
रोज नवी ही उषा उगवते
कवच भेदुनी अंधाराचे
कळीकळीच्या कोशामधुनी
निसर्ग गातो गीत उद्याचे
संजीवन हसते नाशामधुनी, हीच जगाची रीत !
दु:ख निराशा दूर सारुनी
सदा पडावे पाऊल पुढती
गतकाळाची कशास भीती?
भविष्य अपुले अपुल्या हाती
फुलव निराळे तुझ्या मुठीतुनी, तूच तुझे संचित !
| गीत | - | वंदना विटणकर |
| संगीत | - | डी. एस्. रुबेन |
| स्वर | - | जयवंत कुलकर्णी |
| गीत प्रकार | - | भावगीत |
| संचित | - | पूर्वजन्मीचे पापपुण्य. |
| संजीवन | - | पुनुरुज्जीवन. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !